ثورة الانترنت
- تعلن حركة 6 جيجا الاعتصام في ميدان جوجل حتى تنفيذ المطالب.
- النـــت شمــال والراوتــر فيــه مش شغــال.
- إحنا الشعب الخط الأحمر.. يسقط يسقط بطء الراوتر.
- علّي في سعر النت وعلّي.. بكرة الثورة تقوم ما تخلي.
- علّي الميجا وعلّي كمان.. الثورة لسة في الميدان.
- مش عايزين يحكمنا رواتر
ولا شركات بالميجا بتتاجر
مش عايزين يحكمنا عتاولة
يسقط يسقط نت الدولة
- يوم ما أفرط في ميجا هكون ميت أكيد.
- يا اللى ساكت ساكت ليه نتك فاصل ولا إيه.
- مش هنسلم مش هنطاطي إحنا كرهنا النت الواطي.
- ولا بنخاف ولا بنطاطي إحنا كرهنا النت الواطي.
- مارك زوكربيرغ يعرب عن قلقه إزاء الأوضاع المتوترة في الفيس المصري ويدعو الشركات لتلبية مطالب الثوار.
- مش عارفين نحمل ولا نتصفح يا مني.
- ما تعبناش ما تعبناش نت سريع يا إما بلاش.
- هانرددها وناكل النجيلة شركات النت خاينة وعميلة.
- ثورة ثورة حتى النصر.. ثورة في كل لابات مصر.
- تعلن جماعة أنصار الميجا بايتس أنه سيكون هناك فلاشات مفخخة وسلوك نت عريانة إذا لم تتحقق أهداف الثورة وخطوات تصعيدية لن يتوقعها أحد.
- الكتاتنى هولز: رئيس الشركة القابضة للإنترنت أبلغنى أنه لا مشكلة بالسرعة ونوجه الشكر لهذه الشركات.. تصفيق حاد من الخرفان.
- الكتاتنى هولز: رئيس الشركة القابضة للإنترنت أبلغنى أنه لا مشكلة بالسرعة ونوجه الشكر لهذه الشركات.. تصفيق حاد من الخرفان.
